O proyeuto bio-bibliografico Quí ye Quí

O repertorio bio-bibliografico d’autors y d’obras en aragonés u sobre l’aragonés que se i presienta responde a la nezesidá d’espardir y fer conoxer as publicazions que se son fendo u s’han feito sobre a luenga aragonesa.

En a larga istoria d’a luenga aragonesa ha abiu periodos de gran cautibo literario y atros de gran xubliu por parti de toz.


A partir d’as añadas setanta, y más que más, dende a bogalería asoziatiba, ista muderna “renaxedura” d’a luenga ye benida acompañada d’un bolumen d’edizions que, afortunadamén, ba crexendo cada año.

Quí ye Quí
engalza dos ochetibos :

O primer ye amostrar tot o panorama literario en aragonés dende os suyos empezipiallos, a istoriografía dica güei. I amanexerán autors como Johan Ferrandez d’Heredia (más conoxiu como Juan Fernández de Heredia), Ana Abarca de Bolea y atros que son amagaus en o xubliu. Azagando-los irán autors d’un pasau rezién, como Veremundo Méndez, Chusé Coarasa u a larga nomina d’escritors ribagozanos. Toz os autors sin garra mena d’esclusión, que cumplan es requisitos y parametros que se son marcaus.

D’atra man se i presentarán es autors contemporanios, amás d’atras presonas de relebanzia y academicos de l’aragonés.

Como ramo d’istas autuazions, Quí ye Quí quier ofrexer una ampla informazión sobre os premios y premiaus d’os distintos zertámens como parti consustanzial d’as letras aragonesas en aragonés.

ORIENTAZIONS TEUNICAS Y METODOLOCHICAS

Ta fer a replega d’a informazión, en o proyeuto s'emplegará una metodolochía y organizazión que mos premita estar operatibos:

- Nimbío y/u escarga d’es custionarios a replenar siguindo as instruzions.
- Tornada d’es custionarios replens por correu eleutronico. Esta dirección electrónica esta protegida contra spam bots. Necesita activar JavaScript para visualizarla

(Nota: A cumplimentazión d’es custionarios ye DE TOT boluntaria. Dengún custionario que no sía remitiu por l’autor que bi aparexca estará publicau. Nomás se i publicarán que os datos publicos u autorizaus.)


 

AESTRELA
http://www.aestrela.org/
Esta dirección electrónica esta protegida contra spam bots. Necesita activar JavaScript para visualizarla

 

Patrozinan

Banner

Colabora

Banner